Pange Lingua.

Cristo sonriente. Capilla del castillo de Javier (Navarra)

Pange lingua gloriosi

Corporis mysterium,

Sanguinisque pretiosi,

Quem in mundi pretium

Fructus ventris generosi,

Rex effudit gentium.

Nobis datus nobis natus

Ex intacta virgine,

Et in mundo conversatus,

Sparso verbi semine,

Sui moras incolatus

Miro clausit ordine.

In supreme nocte coenae

Recumbens cum fratribus,

Observata lege plena,

Cibis in legalibus,

Cibum turbae duodenae

Se dat suis manibus.

Verbum caro, panem verum

Verbo Carnem efficit:

Fitque Sanguis Christi merum

Etsi sensus deficit,

Ad firmandum cor sincerum

Sola fides sufficit.